အမေရိကန်ရုပ်သံစတား ကိုင်လေဂျန်နာ ကမ္ဘာ့အသက်အငယ်ဆုံးဘီလျံနာဖြစ်လာ

လော့စ်အိန်ဂျလိစ်၊မတ်-၆-၂၀၁၉

မျိုးဆက် (VOM)

အမေရိကန်ရုပ်သံစတားတစ်ဦးဖြစ်တဲ့ ကိုင်လေဂျန်နာဟာ Forbes မဂ္ဂဇင်းကထုတ်ပြန်တဲ့ ဘီလျံနာသူဌေးးစာရင်းမှာ ကိုယ်ပိုင်ဝင်ငွေနဲ့ ရပ်တည်နိုင်တဲ့ ကမ္ဘာ့အသက်အငယ်ဆုံး ဘီလျံနာတစ်ဦးအဖြစ် သတ်မှတ်ခြင်းခံရပါတယ်။

ကမ္ဘာကျော်အနုညာရှင်မိသားစုဖြစ်တဲ့ ကာဒစ်ရှန်မိသားစုမှ အငယ်ဆုံးမိသားစုဝင်ဖြစ်သူ ကိုင်လေဂျန်နာဟာ ရောင်းအားအကောင်းဆုံးစာရင်းဝင် သူမရဲ့အလှကုန်ပစ္စည်းစီးပွါးရေးလုပ်ငန်းကနေ ရရှိတဲ့ ဝင်ငွေတွေကြောင့် ဘီလျံနာသူဌေးဖြစ်လာတာဖြစ်ပါတယ်။

အသက်၂၁နှစ်သာရှိသေးတဲ့ ကိုင်လေဂျန်နာဟာ Kylie အမှတ်တံဆိပ် အလှကုန်ပစ္စည်းကုမ္ပဏီကို တည်ထောင်ခဲ့ပြီး သုံးနှစ်သက်တမ်းသာရှိသေးတဲ့ သူမရဲ့အလှကုန်စီးပွါးရေးလုပ်ငန်းဟာ ယမန်နှစ်က ခန့်မှန်းခြေအားဖြင့် ဒေါ်လာသန်း၃၆၀ ၀င်ငွေရရှိခဲ့ပါတယ်။

သူမအနေနဲ့  အသက်၂၃နှစ်အရွယ်မှာ ဘီလျံနာသူဌေးတစ်ဦးဖြစ်လာတဲ့ ဖေ့စ်ဘွတ်တည်ထောင်သူ မက်ဇူကာဘတ်ထက်ပို ငယ်တဲ့ အသက်အရွယ်မှာ ဘီလျံနာသူဌေးဘဝသို့ ရောက်ရှိလာတာဖြစ်ပါတယ်။

အနာဂါတ်ကို့ ကြိုမမြင်နိုင်တဲ့အတွက် ဘယ်လိုအရာမျိုးကိုမှ ကြိုတင်မျှော်လင့်မထားဘူးလို့ ကိုင်လေဂျန်နာက ဆိုပါတယ်။ Forbes မဂ္ဂဇင်းကထုတ်ပြန်တဲ့ စာရင်းမှာတော့ အမေဇုန်အွန်လိုင်း ရောင်းဝယ်ရေးလုပ်ငန်းတည်ထောင်သူ  ဂျက်ဖ်ဘီဇော့စ်က ၁၃၁ ဘီလီယံနဲ့ ကမ္ဘာ့အချမ်းသားဆုံး ပုဂ္ဂိုလ်အဖြစ် ရပ်တည်နေဆဲဖြစ်ပါတယ်။

Ref : BBC

Photo : Getty Images

#voiceofmyanmar#ဘီလျံနာကိုင်လေဂျန်နာ#ကမ္ဘာ့အသက်အငယ်ဆုံးဘီလျံနာ